O Concello de Muros puxo a punto e acondicionou os campos de fútbol Eleuterio Balayo e José Luis Vará.
A Brigada de Obras do Concello de Muros realizou traballos mantemento nas dúas instalacións deportivas que se concretaron no seguinte:
-No Eleuterio Balayo, “a brigada fixo labores no campo consistentes no rozado das zonas verdes e a limpeza e pintura do caucho do tellado da cantina, co obxectivo de evitar filtracións de auga”, explicou a concelleira de Obras, Laura Rivadeneira.
-No caso do campo José Luis Vara, a Brigada de Obras traballou reforzando as columnas das gradas e substituíndo os bloques rotos para mellorar a seguridade das instalacións. Ademais, o persoal municipal de rozas limpou os terreos lindeiros.
