O Concello de Boiro e a Asociación Boirense de Empresas prestan apoio a campaña MercaNaVila da apoio ao comercio local da Deputación da Coruña. O tenente de alcalde, Luis Ruiz, e o concelleiro de Comercio, Roberto Lojo, reuníronse con Daniel García, presidente da ABE; e o seu xerente, Tomás Estévez, para traballar no apoio a esta campaña.
Esta iniciativa, dotada dun investimento de 6 millóns de euros, está dirixida a fortalecer o pequeno comercio nos municipios da provincia de menos de 20.000 habitantes co obxectivo de dinamizar o tecido comercial nas localidades máis pequenas.
Poderán descargar o bono con 100 euros de descontos directos todas as persoas consumidoras maiores de 18 anos sexan do concello que sexan.
Poderán adherirse os comercios dos concellos de menos de 20.000 habitantes, como é Boiro, dende o 6 ao 20 de outubro mediante a web mercanavila.gal.
O Concello de Boiro e a Asociación Boirense de Empresas traballan da man para facilitar a información a comercios e veciñanza para poder adherirse ao programa e beneficiarse dos descontos, así como programar outras actividades que incentiven o comercio local durante a campaña.
