Este sábado 11 de outubro haberá en Boiro, na Biblioteca Municipal (Centro Social de Boiro) unha nova sesión de narracións orais: o contacontos Da cabeza aos pés, a cargo de Charo Pita: unha actividade encadrada no programa autonómico das bibliotecas Ler Conta Moito. Será este sábado 11 de outubro ás 12.00 horas na Biblioteca de Boiro. As prazas serán limitadas e haberá que facer as reservas na propia Biblioteca ou no 981 84 84 10.
Neste espectáculo de contos pasaremos revista a algunha desas capacidades marabillosas que nos emparentan con distintos tipos de animais, relatos de procedencia diversa cuxos protagonistas posúen a mirada aguda da aguia, a forza descomunal do oso, o correr elegante da gacela ou a axilidade do lince.
Tamén haberá espazo (e tempo) para as fábulas onde os personaxes serán os propios animais: “Cantaremos cancións para que o vento traia a choiva e, sobre todo, viaxaremos en palabra para coñecer e coñecernos a través das historias”, avanza Charo Pita.
