O Goberno aprobou recentemente o uso de cannabinoides en determjnadas situacións de dor. Con esta proposta gobernativa xorde a polémica en torno á evidencia científica que poda sustentar esta posición que aceptan sen problemas médicos, científicos e gobernos europeos. E Galicia non é allea a esta controversia porque o uso de do cannabis semella ser medicinal para o tratamento da dor. O THC e o CBD teñen propiedades analxésicas, o que significa que poden axudar a aliviar a dor. A máis está demostrado que teñen propiedades antitumorais, antiinflamatorias e neuroprotectoras. Como medicina é unha opción para o tratamento da dor a moi distintas idades.
O aprobado esta semana polo Consello de Ministros (que deu luz ao Real Decreto que regula o uso medicinal do cannabis en preparados estandarizados) resposta á necesidade de ofrecer unha alternativa terapéutica en casos nos que os tratamentos convencionais non resultan eficaces, especialmente en doentes con dor crónica refractaria, epilepsia grave ou espasticidade por esclerose múltiple.
Os preparados estandarizados de cannabis so poderán ser prescritos por médicos especialistas e deberán elaborarse e dispensarse exclusivamente en servizos de farmacia hospitalaria baixo seguimento clínico individualizado.
Estes preparados estandarizados deberán estar rexistrados na Axencia Española de Medicamentos e Produtos Sanitarios (AEMPS), garantindo a súa calidade, seguridade e dosificación axeitadas.
Esta norma representa un paso decisivo na integración do cannabis medicinal no sistema sanitaruo, asegurando a súa utilización con garantías científicas e de control sanitario.
O Real Decreto aprobado determina que os usos clínicos autorizados, xunto coas condicións específicas de elaboración, dosificación e prescripción, han ser fixados nas monografías que publique nun prazo de tres meses a Axencia Española de Medicamentos e Produtos Sanitarios no Formulario Nacional, modelo que permite unha actualización continua en función dos avances científicos e a evidencia clínica que se dispoña, abrindo a porta a que no futuro podan incorporarse novas indjcacións, sempre baixo criterios rigorosos de eficacia, seguridade e necesidade médica.
Con esta regulación, o Goberno reafirma o seu compromiso cunha medicina máis personalizada, segura e baseada na evidencia, ofrecendo unha alternativa para aqueles que non atopan unha resposta eficaz nos medicamentos autorizados.
