Galicia comezará a recuperar este venres 12, Santa Uxía festivo local, a influencia anticiclónica. A xornada arrancará con néboas e nubes baixas no interior, pero co paso das horas os ceos iranse abrindo, especialmente na metade sur, onde pola tarde quedarán ceos despexados ou moi pouco anubrados.
As temperaturas manteranse sen cambios significativos, con lixeiros ascensos /21-22 graos) no sur da comunidade. Polo que respecta ao vento, soprará do oeste-noroeste, en xeral frouxo, aínda que con intervalos moderados no litoral norte.
O noso mar: Vento variable á mañá e á noite e do oeste á tarde, forza 1 a 2 á mañá, 2 a 3 á tarde e 1 a 3 á noite. Mar rizado á mañá e mar ovellado á tarde e á noite. Visibilidade boa. Mar de fondo do noroeste, con ondas de 1.5 a 2.5 metros á mañá e á noite e 2 a 2.5 metros á tarde.
