Este sábado 20 de setembro, Ribeira dará acollida a un concerto gratuíto da intérprete galega Uxía. Será no Auditorio Municipal, no marco do programa da Deputación da Coruña, Outono das Artes.
A artista galega achegará á veciñanza de Santa Uxía e da contorna o seu espectáculo Será por flores, co que conmemora os seus 40 anos na música.
En concreto, coa xira Será por Flores festéxanse as catro décadas de carreira dunha das cantautoras pioneiras en profesionalizarse como compositora e intérprete da nosa música tradicional, e os 30 do seu álbum Estou vivindo no ceo”
Na presentación do espectáculo, celebrado en agosto, engadiuse que “será un espectáculo único e intimista, que revisitará os piares do seu percorrido musical e continuará explorando novas formas con liberdade creativa, unha viaxe ás súas raíces galegas, ás composicións propias e ás músicas que a inspiraron para mostrar os innumerábeis camiños que percorreu”.
