Este venres 19 de setembro celébrase a IV Xornada de Pesca de Ribeira, organizada pola OPP83. Será inaugurada a partir as 9.30 horas polo alcalde de Ribeira, Luís Pérez Barral. A apertura contará coas intervencións institucionais da xerente da OPP83, María José Casais, da directora da Escola Oficial Náutico-Pesqueira de Ribeira, Gloria Santalla, e do director xeral de Pesca Sostible do MAPA, Ramón de la Figuera. O peche terá lugar ás 13.30 horas coas intervencións da xerente da OPP83, do alcalde de Ribeira, e da conselleira do Mar, Marta Villaverde, quen dará por clausurada a xornada.
A cita vén da man da Sociedade Cooperativa Galega do Mar Santa Uxía-OPP83 (Sociedade Cooperativa Gallega del Mar Santa Eugenia-OPP83). Terá lugar na Escola Oficial Náutico-Pesqueira da localidade.
O encontro reunirá a representantes da administración, expertos académicos e profesionais do sector para abordar os principais desafíos e oportunidades que afronta a pesca. O programa porá o foco na sustentabilidade: centrándose no análise socioeconómico do Pacto Europeo polos Océanos, que aborda de maneira integrada a reforma da Política Pesqueira Común e a descarbonización da frota.
Falarase tamén dos estudos elaborados polo IEO sobre o lirio e outras especies peláxicas, esenciais para a xestión sustentable dos recursos mariños.
A xornada dará comezo ás 9.30 horas coa participación de autoridades como o director xeral de Pesca Sostible do MAPA, a xerente da OPP83 e o alcalde de Ribeira, Luís Pérez Barral, quen dará por inaugurada a IV Xornada de Pesca de Ribeira.
Ao longo da mañá sucederanse relatorios, mesas redondas e espazos de debate nos que intervirán voces de referencia de ámbito europeo, español e galego.
O evento chegará ao seu fin arredor das 13.30 horas coa exposición de conclusións e coa clausura institucional a cargo da conselleira do Mar, Marta Villaverde.
Posteriormente ofrecerase aos asistentes una degustación de produtos pesqueiros da OPP83.
A IV Xornada de Pesca de Ribeira está integrada no PPeC 2025 da Organización de Produtores Pesqueiros de Ribeira e conta coa financiamento por parte da Xunta de Galicia e o Fondo Europeo Marítimo, de Pesca e Acuicultura (FEMPA).
