Este, sábado 27 de setembro, Santiago é escenario da xornada “As últimas execucións da ditadura franquista: 50 anos. Feitos. Testemuños. Memoria”, un acto que busca rememorar os últimos fusilamentos realizados baixo o réxime de Francisco Franco e reflexionar sobre o seu contexto histórico.
A actividade, organizada polo Comisionado para a Celebración dos 50 anos de España en Liberdade e o grupo de investigación HISTAGRA-CISPAC da Universidade de Santiago de Compostela (USC), celebrarase en dous espazos emblemáticos.
A primeira parte terá lugar no Paraninfo da USC ás 17:00 horas, cunha mesa redonda de especialistas en historia e memoria histórica. Entre os participantes figuran Magda Oranich, avogada e xornalista defensora de Jon Paredes “Txiki”, un dos fusilados; o historiador Ismael Saz, catedrático de Historia Contemporánea da Universitat de València; e o xornalista Jesús Rodríguez, do País. A sesión será moderada por Carmina Gustrán, comisionada para a conmemoración.
A partir das 19:00 horas, a xornada trasladarase ao cinema NUMAX, onde se proxectarán dous filmes que documentan aqueles feitos: primeiro o curtametraxe “Expediente” (Manuel R. Coroado e Carlos Rodríguez, 1977), premiado no Festival de San Sebastián, e despois “Setembro do 75” (Adolfo Dufou, 2009), que narra a loita da familia de José Humberto Baena por reivindicar a súa inocencia. Tras as proxeccións, abrirase un diálogo cos organizadores e expertos.
