Unha fronte fría deixará choivas e un acusado descenso das temperaturas
A chegada dunha fronte fría marcará o tempo deste sábado en Galicia, cunha xornada na que se prevén precipitacións xeneralizadas e unha baixada notable das temperaturas.
Segundo a previsión, os ceos estarán cubertos desde primeira hora, con choivas que comezarán polo litoral da Coruña e que, co avance da mañá, se estenderán ao resto da Comunidade.
Xa pola tarde, as precipitacións tenderán a remitir, abríndose claros polo oeste a medida que avance o día.
O vento soprará inicialmente moderado do oeste-suroeste no litoral, pero rolará a noroeste co paso da fronte, arrastrando aire moi frío detrás.
O descenso térmico será xeneralizado, facendo que a sensación de outono se instale xa de cheo en Galicia(23-21).
O domingo unha borrasca situada nas Illas Británicas xerará moita inestabilidade con aire frío en altura. Con isto, teremos chuvascos que se irán estendendo a todo o territorio co transcurso do día, serán máis intensos na metade norte. As temperaturas sufrirán un moderado descenso,20-17 graos máxima) especialmente nos valores mínimos. O vento soprará moderado de compoñente norte.
O noso mar: Vento do sudoeste á mañá, do noroeste á tarde e do norte á noite, forza 3 a 4 á mañá, 2 a 4 á tarde e 2 a 3 á noite. Marusía á mañá e mar ovellado á tarde e á noite. Visibilidade regular á mañá e boa á tarde e á noite. Mar de fondo do noroeste, con ondas de 0.5 a 1 metros á mañá e 1 a 2 metros á tarde e á noite.
