O alcalde de Rois, Ramón Tojo, e o xerente do Consorcio Galego de Servizos de Igualdade e Benestar, Perfecto Rodríguez, visitaron as instalacións da escola infantil A Galiña Azul e comprobaron o resultado das obras de mellora do patio exterior. O Concello de Rois vén de colocar caucho continuo no chan grazas a unha achega do Consorcio.
O ente autonómico financiou con preto de 16.000 euros a substitución do caucho existente no patio por pavimento continuo, o que mellora a seguridade das nenas e nenos ante posíbeis caídas.
O Cncello contratou e executou os traballos, que se levaron a cabo este verán, mentres que o Consorcio encargouse de sufragalos con cargo ás liquidacións pola prestación do servizo.
Estas obras forman parte das melloras realizadas durante a época estival nas escolas infantís do Consorcio de cara a acondicionalas para o regreso ás aulas, que será este venres día 5 de setembro.
Na visita ás instalacións tamén participaron a concelleira de Servizos Sociais, Mercedes Basante, e o director da escola infantil.
