Este 12 de setembro, festivo local en Ribeira, arrincaron as Festas de Santa Uxía 2025. Comezou coa tradicional misa solemne na honra de Santa Uxía, patroa de Ribeira, ás 12:00 horas na Igrexa Parroquial.
Logo celebrouse a procesión polas rúas da cidade, que contou coa presenza de centos de veciñas e veciñas. Na comitiva participaron tamén todos os grupos da Corporación Local e os membros do equipo de Goberno, acompañando ao párroco Alfonso Mera e aos integrantes da Unidade Pastoral de Ribeira, entre os que se atopaban os sacerdotes Ndongo Sylvestre e Sidonio José Alves da Sousa. Tamén estiveron presentes os patróns maiores de Ribeira e Aguiño-Carreira, José Antonio Pérez Sieira e José Antonio Santamaría.
Máis actividades
Este venres día 12 ás 23:00 horas recalará na praza do Concello o espectáculo-concerto Corazón Oxidado: Tributo a Fito y Fitipaldis.
O sábado 13 será a quenda da V Ruada do Traxe Aires de Dorna que sairá da carpa municipal para percorrer as rúas de Ribeira e rematar no auditorio municipal co Desfile do Traxe.
Na mesma xornada do sábado terá lugar na praza do Concello o concerto de Kiko Veneno ás 11:00 horas.
