A cidade de Ribeira acollerá os días 12 e 13 de setembro as tradicionais Festas de Santa Uxía, cun programa que combina actos relixiosos, culturais e musicais.
O venres 12 abrirá a xornada ás 11:00 horas co Camiño de Valverde, LARP no Parque Natural do Vilar, unha actividade que require reserva previa. Ás 12:00 horas terá lugar a tradicional Misa solemne en honra de Santa Uxía, na igrexa parroquial, para posteriormente celebrararse a procesión polas principais rúas da cidade e rematar cun ágape parroquial no atrio do templo. Xa pola noite, ás 23:00 horas, a praza do Concello vibrará co concerto de Corazón Oxidado, un tributo a Fito & Fitipaldis.
O sábado 13 será a quenda da V Ruada do Traxe Aires de Dorna, que comezará ás 18:30 horas coa saída dende a carpa municipal e continuará cun desfile no Auditorio Municipal. Como peche das festas, ás 23:00 horas, o escenario da praza do Concello acollerá o concerto de Kiko Veneno, unha das propostas musicais máis destacadas desta edición.
As festas, organizadas polo Concello de Ribeira coa colaboración da Deputación da Coruña, a U.P.A. Ribeira e diferentes colectivos locais, volverán encher a cidade de tradición, música e convivencia veciñal.
