O Concello de Rianxo, en colaboración co Laboratorio Ecosocial do Barbanza, organiza tres formacións gratuítas para promover os aproveitamentos sostibles do monte. As accións están dirixidas a persoas interesadas no emprendemento, a agricultura e a gandería, e contan con financiamento europeo a través da Fundación Biodiversidad do MITECO no marco do PRTR – NextGenerationEU.
Os cursos, que aínda teñen inscrición aberta e prazas dispoñibles, son:
- “Xestión de gandería extensiva no medio forestal” (40 horas). Do 29 de setembro ao 29 de outubro de 2025, luns e mércores de 17.00 a 20.00 horas e dous sábados pola mañá.
- “Aproveitamento micolóxico” (40 horas). Do 6 ao 29 de novembro de 2025, xoves e venres de 10.00 a 13.00 horas e sábados de 9.30 a 13.30 horas.
- “Cultivo de castiñeiro para froito” (50 horas). Do 10 de outubro ao 22 de novembro de 2025, venres de 16.30 a 20.00 horas e sábados de 9.15 a 13.45 horas.
As persoas interesadas poden formalizar a súa inscrición escribindo a medioambiente@concelloderianxo.gal ou chamando ao 981 86 08 08 (en horario de mañá).
