Sí, é certo o que dí o proverbio chinés: “o imposible dura un pouco máis” o que non significa que dure eternamente, porque virá un día no que a imposibilidade chegue ao seu remate dado que o imposible é finito e ata as demoras médicas en atención especializada e a falta de profesionais en atención primaria en Ribeira terán solución.
Quen non lembra alugar un taxi para acudir con urxencia á consulta médica a Santiago de Compostela?. Canto foi necesario pedir e mesmo esixir ata que Ribeira chegou a dispor, primeiro, do centro de saúde e, anos dempois, do hospital público que hoxe é unha realidade?. Esta, sen embargo, nada ten que ver co que os barbanzáns queren e precisan. Porque o Sergas xoga con outras figuras no xadrez da súa planificación política: o privado fronte ao público. Quen manda, manda, e sempre manda, sempre, o interese económico, que é o que prima -degraciadamente- á hora de elaborar orzamentos. E aínda así, os responsables políticos da Sanidade que dan prevalencia ao privado fronte ao público caerán da burra algún día e serán quen de actuar conforme ÁS NECESIDADES do pobo (que é quen máis manda de aquí a Grándola, que é, en Portugal, Vila Morena) porque caerán na conta de que a privatización da Sanidade non é a solución ao problema que require quen, en definitiva, paga: outra volta, o pobo, que quita e pon para que goberne quen pode e non quen quer.
A sanidade privada -ou o que ven ser o mesmo, privatizar a sanidade pública, que é o que maioritariamente rexeita a poboación barbanzana- non se acada deixando a pública no ostracismo, abandonando as súas obrigas como responsables da pública en Galicia e España.
Esta ten nas súas mans as vidas de millóns de persoas, goberne quen goberne. Compleméntase, certamente, coa privada, pero é a necesidade das maiorías a que debe ser atendida preferentemente. Sen opcións dende a formulación gobernamental, que há ser pública sen dúbida.
Da privada pode chegar un momento -séino por experiencia- en que o profesional médico recomende ao doente que se poña en mans dos profesionais mëdicos do SERGAS porque “o seguro non pode facer máis por vostede” e na sanjdade pública hai intervencións cirúrxicas a mans cheas que “permiten un grao de especialización que non sempre se produce na privada”, por máis que a función profesional do cirurxán sexa realizada indistintamente nun hospital público ou privado polo mesmo especialista.
Velaí o motivo polo que o día 10 de outubro, ás 16,30 horas, vai formarse unha cadea humana dende o centro de saúde de Ribeira ata o hospital da Barbanza polas demoras en atención especializada e pola falta de profesionais en atención primaria. As saídas serán simultáneas desde o centro de saúde de Ribeira e o hospital da Barbanza.
A de Ribeira é dende ai anos a maior poboación da Barbanza e o seu hospital público é o único ata Santiago ou Cee, A Coruña e Ferrol no conxunto da provincia. É obrigado polo tanto, que se dote axeitadamente de medios persoais e técnicos a un centro hospitalario das características do de Ribeira para que se cumpra o proverbio chinés: “O imposible dura un pouco mais”. Non o eternicen na súa calamitosa polarización.
