A ANPA Santa Uxía do CEIP O Grupo de Ribeira informou de que este xoves 25 de setembro moito do profesorado do centro apoiará a folga xeral convocada en toda Galicia. A asociación anima ás familias a solidarizarse coas reivindicacións do profesorado non levando aos nenos e nenas ao colexio, agás en casos imprescindibles por motivos de conciliación.
Desde a ANPA subliñan que os servizos mínimos están garantidos e que o comedor funcionará con normalidade, aínda que piden ás familias que avisen previamente se non van enviar aos seus fillos e fillas para evitar preparar menús de máis.
Segundo indican, as mestras e mestres do centro “perden o día de salario por defender os dereitos dos nosos fillos e fillas”, polo que reclaman o apoio das familias á protesta.
A folga enmárcase na convocatoria xeral do profesorado en Galicia, á que tamén se suma o CEIP O Grupo de Ribeira co lema “Xunta, escoita, O Grupo está en loita”.
