Galicia continuará este mércores 3 de setembro, San Gregorio Magno, baixo a influencia dun centro de baixas presións situado ao norte de Irlanda, acompañado do paso dunha fronte fría que cruzará a comunidade.
Segundo a previsión os ceos estarán moi nubrados na comarca, con precipitacións febles no litoral, mentres que no interior se abrirán amplos claros, aínda que poderían rexistrarse algúns chuvascos durante a tarde-noite.
As temperaturas experimentarán un ascenso xeralizado, favorecendo un ambiente máis suave a medida que avance a xornada.
En canto ao vento, soprarán do sur, de intensidade moderada, con intervalos fortes no litoral da Coruña, onde se recomenda precaución.
O noso mar: Vento do sur á mañá, do sudoeste á tarde e do oeste á noite, forza 4 a 5 á mañá, 2 a 4 á tarde e 1 a 3 á noite. Forte marusía á mañá, marusía á tarde e mar ovellado á noite. Visibilidade regular á mañá, boa á tarde e mala á noite. Mar de fondo do noroeste á mañá e á tarde e oeste á noite, con ondas de 2 a 3 metros á mañá, 3 a 4 metros á tarde e 3 a 3.5 metros á noite.
