A xornada do mércores, Nosa Señora da Mercede, estará marcada pola influencia anticiclónica, o que favorecerá o tempo estable en toda a comunidade.
Agárdanse néboas matinais nas comarcas do interior, que darán paso a ceos pouco nubrados, con presenza de nubosidade de tipo alto ao longo do día.
As temperaturas subirán lixeiramente(22-25 graos), mentres que o vento soprará frouxo do leste-nordés, con intervalos moderados no litoral e rachas fortes pola mañá na zona de Bares.
O noso mar: Vento do nordés á mañá e á noite e do noroeste á tarde, forza 1 a 3 á mañá e 3 a 4 á tarde e á noite. Mar ovellado á mañá e marusía á tarde e á noite. Visibilidade boa. Mar de fondo do noroeste, con ondas de 0.5 a 1 metros.
