Outubro comeza marcado pola influencia anticiclónica, o que garantirá unha xornada de estabilidade atmosférica. Os ceos estarán maioritariamente despexados, con presenza de nubes altas que non impedirán o paso do sol.
As temperaturas mínimas non rexistrarán cambios significativos, mentres que as máximas experimentarán un lixeiro ascenso respecto ás xornadas anteriores ( 27 graos máximas).
En canto ao vento, agárdase que sople frouxo de compoñente leste, con carácter moderado no litoral norte e en réxime de brisas nas Rías Baixas.
Un inicio de mes, polo tanto, cun tempo agradable e maioritariamente soleado en toda a comunidade.
O noso mar: Vento do norte á mañá e á noite e do noroeste á tarde, forza 1 a 3 á mañá, 2 a 3 á tarde e 1 a 2 á noite. Mar ovellado á mañá e á tarde e mar rizado á noite. Visibilidade boa. Mar de fondo do noroeste, con ondas de 0.5 a 1.5 metros á mañá e 0.5 a 1 metros á tarde e á noite.
