As baixas presións atlánticas seguirán influíndo este martes mantendo a inestabilidade atmosférica como protagonista.
Pola mañá, os ceos estarán moi nubrados en practicamente todo o territorio, con chuvias intermitentes que serán menos probables nas provincias de Ourense e no sur de Lugo. A previsión apunta a que as precipitacións irán remitindo progresivamente na segunda metade da xornada, deixando momentos de tregua e claros ocasionais.
En canto ás temperaturas, agárdase un lixeiro ascenso respecto ás rexistradas nos últimos días. Os ventos soprarán do suroeste, con intensidade moderada e intervalos fortes no litoral norte.
Na área das Rías Baixas e Santiago, a mañá presentarase con ceos cubertos e precipitacións intermitentes, que tenderán a desaparecer pola tarde, favorecendo unha mellora xeral do tempo.
O noso mar: Vento do sudoeste á mañá e á tarde e do sur á noite, forza 2 a 4 á mañá e á tarde e 3 a 4 á noite. Mar ovellado á mañá e á tarde e marusía á noite. Visibilidade mala á mañá, regular á tarde e boa á noite. Mar de fondo do noroeste, con ondas de 2 a 3 metros.
