A estrea da obra “Terra Trágame” a cargo do grupo Enraizadas, celebrada en Ribeira, foi un rotundo éxito, logrando recadar un total de 1.610€ para a asociación ÁGAPE, que traballa en favor da infancia e adolescencia neurodiverXentes e as súas familias.
O evento, ao que asistiron case 400 persoas, entre público e autoridades locais, contou coa presenza do xestor cultural Unai González, quen deu a benvida aos asistentes. Ao seu lado, a Concelleira de Educación, Cruz Rivadulla, destacou a importancia deste tipo de iniciativas e agradeceu ao grupo Enraizadas por elixir Ribeira para realizar o seu primeiro espectáculo, ao mesmo tempo que resaltaba o carácter solidario da función.
Rivadulla expresou o seu apoio ao labor de ÁGAPE, destacando o esforzo da organización para mellorar a calidade de vida dos nenos e adolescentes neurodivergentes e as súas familias, unha causa que recibiu un respaldo notable durante a velada.
O evento foi un claro exemplo de como a cultura e a solidariedade poden ir da man para xerar un impacto positivo na comunidade.
