A persoa foi evacuada a bordo do helicóptero medicalizado con base en Santiago ao Hospital Clínico Universitario de Santiago de Compostela.
Os feitos ocorreron ao fío das 19 horas na Praia de Coira, en Goiáns. Foi nese momento cando varios particulares contactaron co 112 Galicia para informar de que sacaran a unha persoa da auga que precisaba asistencia sanitaria urxente.
De inmediato, desde a sala de operacións do 112 Galicia informouse ao Servizo de Urxencias Sanitarias de Galicia-061, a Salvamento e Gardacostas, ao GES de Noia, aos axentes da Garda Civil e da Policía Local e aos efectivos de Protección Civil.
Tras ser rescatada da auga e reanimada no propio areal, a persoa foi trasladada ao centro sanitario para recibir atención médica especializada.
