A verdade é que estou canso. Moi canso.
Canso de ver como ano tras ano a política en Galicia e en España se converteu nunha rede
de intereses, favores cruzados e discursos baleiros. Canso de escoitar promesas que nunca
chegan a cumprirse. Canso de comprobar como as persoas comúns, os cidadáns que
madrugan, que traballan, que pagan os seus impostos, que sacan adiante ás súas familias,
seguimos sendo invisibles para quen debería representarnos.
En Galicia, coma no conxunto de España, vemos como o debate político se converteu nun
espectáculo constante, afastado da realidade da xente. O que debería ser un servizo público,
hoxe é un campo de batalla de estratexias partidistas, onde importa máis conservar sillóns
que construír futuro.
Eu non quero resignarme. Non quero que os nosos fillos e fillas medren nun país onde a
única opción sexa aceptar a mediocridade ou desconectar. Por iso, desde UCIN Galicia,
cremos que é tempo de dar un paso adiante: de pasar do descontento das charlas de
cafetería á acción real.
Sei que moitos cidadáns senten o mesmo cansazo que eu. Sei que cada elección vótase máis
coa nariz tapada que coa ilusión no corazón. E sei tamén que detrás desa frustración hai un
desexo inmenso de cambio. Ese cambio non virá dos mesmos que levan décadas
enganándonos. Virá de persoas comúns, de xente nova, de cidadáns con experiencia
profesional e vital, que queren poñer o sentido común no centro da política.
Queremos un proxecto que non viva das mentiras, senón da verdade.
Queremos unha Galicia que non dependa de Madrid para todo, pero que tampouco se perda
en debates estériles.
Queremos unha España moderna, honesta, que mire ao futuro e non se atrape sempre no
pasado.
Cando digo que estou canso, non é unha rendición. É un berro de alerta. É a chamada a
todos os galegos e galegas que, coma min, saben que outra política é posible. Xa non
abonda con queixarse, xa non chega con indignarse en redes sociais ou nas tertulias. É hora
de organizarse, de propoñer, de sumar.
UCIN Galicia é unha alternativa que nace desa convicción: que os cidadáns merecen outra
voz, máis clara, máis sincera, máis próxima. Que merecemos ser escoitados, non utilizados.
Por iso, animo a todos os que comparten este cansazo a transformalo en esperanza activa. A
que non deixemos que nos sigan mentindo en cada oportunidade, en cada elección, en cada
titular. A que defendamos un proxecto distinto, honesto, sen ataduras e sen complexos.
Eu estou canso, si. Pero non vencido.
E sei que xuntos podemos abrir un novo camiño para Galicia e para España.
