Este venres 5 comezan as Festas do Castro en Cabo de Cruz. A axenda, que vén cargada de concertos e actividades de lecer e culturais, arrinca o venres pola noite cunha verbena DJ con DJ Matrek, Manu X, DJ Fagas e Euphoria.
Ao día seguinte, sábado, haberá sesión vermú con Trío Blanca Doble, e pola noite será a quenda da boirense Sabela King & The Heartbreakers. Tamén actuará novamente Trío Blanca Doble e Grupo M5.
O domingo comezará cunha sesión vermú do Grupo JB Son, que dará comezo a un xantar campestre. Pola tarde será a quenda da rapazada cunha festa infantil a partir das 17.00 horas, con inchábeis de pista e salto, touro, tatuaxes e escuma. A partir das 22h haberá a verbena co Grupo JB Son.
O luns 8 celebrarase ás 12h unha misa solemne e unha procesión na honra da Nosa Señora da Natividade do Castro. A partir das 13.30 horas haberá unha sesión vermú con Dúo Explosión e os Gaiteiros de Ar de Loureda. Pola noite verbena (ás 22h) con Dúo Explosión.
O martes 9 haberá misa solemne na honra de San Antonio, cos Gaiteiros de Ar de Loureda a partir das 12h.
O mércores 10 haberá misa solemne na honra da Virxe do Carme, cos Gaiteiros de Ar de Loureda, a partir das 12h.
