Cabo de Cruz (Boiro) vai celebrar este sábado 27 de setembro unha festa para poñer o broche de ouro á tempada estival: o Entroido de Verán. Será na contorna da Igrexa do Castro, e o Entroido está organizado pola Comisión de Festas do Carme e a Comisión de Festas do Castro. A troula comezará sobre as 13.30 horas cunha sesión vermú con Juan do Tractor. Logo celebrarase unha festa infantil, a partir das 17.00 horas, con festa da escuma, tatuaxes, inchábeis e un touro mecánico. Pola noite, a partir das 21.30 horas, actuará o Grupo MS.
