O Concello de Rianxo adxudicou o proxecto para a mellora da eficiencia enerxética no Campo de Fútbol Municipal da Lomba (Taragoña). A actuación permitirá mellorar a iluminación do terreo de xogo cun novos focos con tecnoloxía LED e substituír o actual sistema de calefacción por outro de menor consumo enerxético. Os traballos serán executados por Montajes Eléctricos del Noroeste S.L., empresa á que se lle adxudicou o proxecto por un importe final de 48.884,00€. Para acometer esta actuación o Concello recibiu hai uns meses unha subvención da Consellería de Presidencia, Xustiza e Deporte da Xunta de Galicia.
