Galicia situarase este domingo nunha posición intermedia entre altas e baixas presións, o que deixará un tempo variable na Comunidade. Segundo MeteoGalicia, agárdase un comezo de xornada con ceo parcialmente nubrado e con algunhas precipitacións no sueste, que tenderán a remitir co avance do día deixando máis claros no resto do territorio.
As temperaturas experimentarán un lixeiro ascenso(20-23 graos), mentres que o vento soprará moderado do nordés, con intervalos fortes no litoral entre Sisargas e Fisterra. En conxunto, a xornada presentarase como unha transición cara a tempo máis estable, especialmente durante a tarde.
O noso mar: Vento do nordés á mañá, do norte á tarde e do norte á noite, forza 4 a 5 á mañá e á noite e 4 a 6 á tarde. Forte marusía. Visibilidade boa. Mar de fondo do noroeste á mañá e á tarde e norte á noite, con ondas de 1 a 2 metros á mañá, 2 a 3 metros á tarde e 1.5 a 2.5 metros á noite.
