Con setembro volta á rutina e BeOne Rianxo acompaña este regreso co lema Back to gym!, Por fin, convidando a retomar unha vida activa tras o verán facilitando a inscrición con matrícula gratuíta, incluíndo tamén unha proba de 3 días gratis para coñecer o centro deportivo e os seus servizos, con posibilidade plena de accedermos a todas as instalacións e actividades do centro deportivo rianxeiro, ofrecendo un incentivo adicional para quen desexe comezar a súa viaxe cara a unha vida máis saudábel e activa. O convite está dispoñíbel a través da páxina de Beone.
“O noso centro deportivo”, sinalan, “distínguese polas súas completas instalacións deseñadas para ofrecer unha experiencia deportiva de alta calidade”. Salientan tamén o seu equipamento (cunha gran sala fitness con zonas diferenciadas para cardio, peso libre, adestramento funcional e musculación; e con piscinas para baño e fitness acuático, ao que se engade un spa e máis unha ampla oferta de actividades dirixidas, con clases de tonificación, ciclo indoor e actividades coreográficas, e de corpo-mente).
Dende BeOne Rianxo tamén destacan os servizos que poñen ao dispor das familias, “xa que ofrecemos abonos especiais que inclúen acceso a unha área infantil de xogos e unha escola de natación infantil, brindando así opcións para que tanto adultos como nenos gocen dunha vida activa e saudable nunha contorna divertida”. A isto engádense os adestramentos persoais adaptados ás necesidades e obxectivos de cada usuario, asegurando unha atención personalizada.
Óscar Rial, director do Centro Deportivo BeOne Rianxo, comenta: “En BeOne Rianxo ofrecemos unha contorna pensada para axudar aos nosos usuarios a conseguir as súas metas de saúde e benestar”.
