A conselleira de Vivenda e Planificación de Infraestruturas, María Martínez Allegue, mantivo esta mañá en San Caetano unha xuntanza de traballo co alcalde de Outes, Francisco Calo, na que tamén participou a directora territorial da Consellería na Coruña, Begoña Freire.
No encontro analizáronse diferentes actuacións de interese para o municipio en materia de infraestruturas e urbanismo, co obxectivo de avanzar en proxectos que dean resposta ás necesidades da veciñanza.
Martínez Allegue destacou a importancia da coordinación entre administracións para impulsar iniciativas que contribúan a mellorar a calidade de vida no territorio: “A colaboración institucional é clave para avanzar nun desenvolvemento equilibrado e sostible dos nosos concellos”.
