Recuperaramos este venres, de maneira transitoria, a influencia do anticiclón. Con esta situación, agárdase unha xornada marcada polas nubes baixas e néboas matinais en zonas de interior, que irán desaparecendo para dar paso a ceos secos e soleados na maior parte do territorio.
As temperaturas experimentarán un lixeiro ascenso, tanto nas máximas como nas mínimas. En canto ao vento, soprarán do nordés, en xeral frouxos no interior, pero moderados no litoral noroeste.
O sábado seguirá o tempo anticilónico con sol. O domingo baixan as temperaturas con ceos máis nubrados canto máis ao oeste, onde poden rexistrarse algunhas chuvias febles.
O noso mar: Vento do norte á mañá, do noroeste á tarde e do nordés á noite, forza 3 a 4 á mañá e 2 a 3 á tarde e á noite. Marusía á mañá e mar ovellado á tarde e á noite. Visibilidade boa. Mar de fondo do noroeste, con ondas de 0.5 a 1.5 metros á mañá e á tarde e 0.5 a 1 metros á noite.
