Ribeira encheuse de emoción, cor e devoción na festividade da Virxe do Carmen, patroa dos mariñeiros. Este ano, a tradicional procesión marítima congregou a miles de persoas no peirao, quen, ao ritmo dos bombos de palenque e entre aclamacións de “Viva a Virxe do Carmen!”, viviron unha xornada única chea de fervor relixioso e festivo.
O Rinchador liderou a procesión, que contou coa participación de máis de medio cento de embarcacións. Grandes barcos de pesca e pequenas lanchas sucaron as augas da ría, mentres os mariñeiros e pescadores de Ribeira, xunto con familias e turistas, acompañaban a imaxe da Virxe desde o porto.
Previa á procesión marítima celebrouse a misa en Honra do Carme na lonxa de Ribeira que encehouse de fieis. O percorrido, tivo como destino O Sinal, un punto crave na celebración onde se realizou a emotiva ofrenda floral. As coroas de flores, lanzadas ao mar, foron o símbolo de respecto e agradecemento dos mariñeiros pola protección divina que reciben ao longo do ano.
A pesar de que as condicións do vento foron un factor decisivo, o mar ofreceu a calma necesaria para que a procesión desenvolvésese de acordo ao planeado. Os barcos, adornados con bandeiras e estandartes, avanzaron pola ría nun espectáculo visual que impresionou tanto aos locais como aos visitantes.
A xornada concluíu co regreso das embarcacións ao porto, onde o fervor popular trasladouse ás rúas de Ribeira, que continuaron con música, danzas e o ambiente festivo característico da celebración. A festa, que rememora as raíces mariñeiras da localidade, non só ten un profundo significado relixioso, senón que tamén resalta a conexión espiritual da comunidade co mar, vital para a súa economía e cultura.
A festividade da Virxe do Carmen en Ribeira segue sendo unha das celebracións máis esperadas do ano, unindo xeracións nunha mostra de respecto, tradición e devoción á patroa do mar.
A misa solemne e posterior procesión presidida polo párroco de Santa Uxía Alfonso Mera, contou coa participación de autoridades locais e autonómicas entre elas a conselleira do Mar, Marta Villaverde.
