Portosín celebrou unha fin de semana intensa con motivo das Festas do Carme, que combinou tradición mariñeira, actividades para a rapazada e verbena. A conselleira do Mar, Marta Villaverde, participou na celebración da festividade do Carme de Portosín.
O sábado comezou cunha ruada matinal a cargo de Canlebó, seguida ao mediodía por Alambique. Ás 13.00 horas tivo lugar a XXXV Festa da Exaltación da Sardiña Azul, un dos actos máis emblemáticos da celebración. Pola tarde disputouse unha regata de remo entre o Club Náutico e a Confraría, e arrancaron os xogos para a rapazada, con inchábeis, xogos populares, pintacaras, cucañas con premios e festa da escuma. A xornada remataou coa verbena nocturna amenizada pola Orquestra New York e a Discomóbil Impacto.
O domingo celebrouse a procesión desde a Igrexa de Portosín, seguida da misa na honra da Virxe do Carme no peirao. Xa pola tarde,celebrarouse a tradicional procesión marítima. A festa culminará coa verbena da noite, protagonizada pola Orquestra París de Noia.
