O Concello de Boiro colabora con Peñas Boiro AC na VI edición da Romaría das Peñas, que terá lugar o sábado 23 de agosto no parque da Cachada. O alcalde, José Ramón Romero, acompañou a David Laíño, presidente de Peñas Boiro AC, e a outros membros da directiva na presentación do programa.
As actividades comezarán ás 16.30 horas coa xuntanza peñeira no Parque da Cachada e os tradicionais xogos peñeiros que comezarán ás 17.00 horas. Haberá tamén unha festa da escuma e inchábeis para pequenos e maiores así como unha festa holi.
Ás 19.00 horas dará comezo a sesión musical co macro escenario Euphoria e actuacións de Galician Army, Mateo Abelleira, Khris Guez, Manu X, DJ Quin, DJ You e Goxi de Bao.
