Este domingo 31 de agosto ás 17.00 horas, no marco das Festas San Ramón de Bealo, a rapazada de Boiro e da contorna poderá desfrutar co espectáculo infantil Ecoralia, a lambona ecolóxica unha actividade do músico galego Pakolas para público e familiar.
En Ecoralia, a lambona ecolóxica Pakolas preséntanos o seu último libro-disco, editado polo CRAEGA (Decembro-2024), e dispoñible a partir de 2025 en todas as bibliotecas de Galicia
Neste novo traballo contaremos e cantaremos a historia de Ecoralia, que nos ensinará a través das súas cancións a importancia de consumir alimentos ecolóxicos, para coidar o medio ambiente tanto na terra coma no mar, combater o cambio climático e garantir o benestar animal.
Así, a través das cancións e a narración, adentramos nas entrañas da carballeira máis extensa de toda Galicia, onde a vexetación é máis mesta e verde, vivía Ecoralia. Sempre vestía da cor do musgo e levaba unha trenza longa e roxa recollida cun estalote. Ecoralia era unha meiga moi nova e boa coñecedora de conxuros ancestrais aprendidos das súas avoas. Pero ela non era coma as demais…
