Os equipos dos parques de bombeiros de Boiro e Ribeira (Consorcio Provincial Antiinciencios) volveron esta semana a traballar nos montes do interior de Galicia para tentar sufocar os novos lumes que seguen a devastar os bosques de Ourense e Lugo. Desta volta foron requiridos este luns 25 de agosto para traballar no incendio declarado no concello da Pobra do Brollon, na provincia de Lugo, na contorna do Courel e da Ribeira Sacra.
Respecto deste martes 26 e segundo veñen de informar os bombeiros do Barbanza nas redes sociais, a pasada noite foi unha “noite de traballo intenso no núcleo de Freixeiro no concello de Quiroga, na provinca de Lugo”. Esta mañá está programado o relevo de persoal do Consorcio da Coruña, con novos bombeiros en tempo libre.
Os bombeiros de Ribeira e Boiro explicaron que foi “outra noite complicada” pero “estamos pero satisfeitos do traballo realizado e de poder seguir axudando na loita contra os lumes”.
