A AEP, Asociación de Empresarios de Portosín, celebra esta fin de semana unha nova edición da súa feira estival de oportunidades e descontos do comercio local, a Outlet Portosín en clave de verán (Outlet Summertime). Desenvolverase o sábado 23 e máis o domingo 24 e estará integrada por tendas expostas en carpa grandes descontos, deliciosas degustacións gastronómicas e actividades para toda a veciñanza e de todas as idades.
Organiza a AEP en colaboración coa Deputación da Coruña e o Concello de Porto do Son.
Respecto da axenda de iniciativas previstas, o sábado organizarase (a partir das 19.30 horas) un obradoiro de decoración de bolsas, chapas e chaveiros. O domingo haberá actividades para a rapazada partir do mediodía, ás 12.00 horas, con inchábeis de auga no parque infantil. Máis tarde, ás 13.30 horas, dará comezo unha exaltación-degustación de porco ao espeto.
