O Concello de Muros comunicou a posta en marcha, para o vindeiro curso, do Servizo Municipal de Madrugados (2025-2026). Trátase dun programa de conciliación familiar e laboral que estará dispoñíbel durante o curso escolar para as comunidades do CEIP Plurilingüe de Louro, CEIP Ramón de Artaza y Malvárez e CEIP Plurilingüe Ricardo Tobío. Madrugadores é un servizo gratuíto xestionado polo Concello de Muros. O prazo de solicitude de prazas estará aberto entre o 1 e o 22 de agosto.
A alcaldesa, María Lago, lembrou que “é un servizo en moitos casos indispensábel para que unha familia poida continuar vivindo en Muros” e que “este tipo de políticas son as que realmente melloran a vida da veciñanza”, engade.
“Comezamos un novo curso con este servizo municipal, dando resposta a unha demanda das anpas e dos centros educativos”, asegurou pola súa parte Laura Rivadeneira, concelleira de Ensino.
Maruxa Martínez, concelleira de Igualdade, amosou a súa satisfacción “por este tipo de medidas, que cobren necesidades reais das familias”.
Madrugadores estará activo para un mínimo 5 alumnos/as por centro educativo e máximo 30 alumnos/as por centro.
