O Concello de Boiro saca a licitación o proxecto para instalación fotovoltaica de autoconsumo con inxección cero na EDAR municipal. O importe da actuación ascende aos 88.916,55 euros e as empresas interesadas poden presentar as súas ofertas mediante a Plataforma de Contratación do Sector Público.
A edificación na que se vai instalar é a Estación Depuradora de Augas Residuais, situada no lugar de Cabo de Cruz, e que na actualidade conta con diversos problemas de filtracións de auga e humidades. O proxecto contempla a intervención na cuberta e fachada para corrixir as filtracións e humidades.
O proxecto ten como obxecto a realización dun sistema de xeración de enerxía eléctrica mediante enerxía solar fotovoltaica conectada á rede interior do centro. Trátase dunha instalación fotovoltaica de autoconsumo composta por 84 módulos.
