O novo concelleiro de Festexos de Noia, Manolo Seijas, vén de anunciar a programación definitiva das Festas de San Bartolomeu 2025, que se celebrarán do 22 ao 26 de agosto. O calendario supón unha ampliación respecto ás propostas avanzadas en semanas anteriores e introduce cambios de localización nalgunhas das actividades máis destacadas.
ite do martes 26, cando o espectáculo de fogos artificiais e a actuación cómico-musical de Noite de Berros porán o broche de ouro a esta edición.
Entre as novidades salientables está a aposta polos artistas locais, con actuacións como a do grupo noiés As Lens, previsto para o luns 25 ás 22:00 horas na Praza do Tapal, ou a participación do grupo de Cantos de Taberna “Troula na Barquiña”, que animará o martes 26 pola mañá as rúas do casco histórico.
Outro dos cambios máis importantes afecta á actuación dos muradáns The Rapants e 9Louro, que por motivos de seguridade se trasladará ao patio do IES Campo de San Alberto. A cita, programada para o domingo 24 ás 22:00 horas, converterase nun dos pratos fortes desta edición. A entrada será de balde, con apertura de portas ás 20:30 horas e acceso libre ata completar aforo.
“Entendemos que era fundamental incluír aos nosos artistas locais dentro da programación dunhas festas tan importantes e con tanto significado para Noia”, sinalou o concelleiro Manolo Seijas, quen tamén destacou que “sabemos que a carga de traballo destas dúas semanas para pechar o programa pagará a pena. Confiamos en que serán un éxito”.
As festas darán comezo o venres 22 cun amplo programa de actividades musicais, culturais e deportivas, e prolongaranse ata a no
