Mércores,20 o tempo estará marcado pola circulación do noroeste, que traerá unha masa de aire húmida a Galicia. Agárdase unha xornada de ceos maioritariamente nubrados, con máis abundancia de nubes canto máis ao norte da comunidade, onde tamén serán máis probables os chuvascos febles, especialmente na metade norte e no interior.
Rías Baixas: Agárdanse ceos parcialmente nubrados, con máis claros pola tarde. Non se descartan chuvascos febles e ocasionais, sobre todo en zonas do interior. As temperaturas manteranse suaves, con máximas arredor dos 24-26 graos. O vento soprará frouxo do noroeste, con intervalos moderados na costa.
Santiago de Compostela: Xornada marcada polas nubes, con posibilidade de chuvascos febles intermitentes, sobre todo pola mañá. As temperaturas quedarán estables, con máximas duns 22 graos. O vento será frouxo do norte.
O noso mar; Vento do norte á mañá, do noroeste á tarde e do norte á noite, forza 1 a 3 á mañá e 4 a 5 á tarde e á noite. Mar ovellado á mañá e marusía á tarde e á noite. Visibilidade regular á mañá e boa á tarde e á noite. Mar de fondo do noroeste, con ondas de 0 a 1 metros á mañá e 0.5 a 1.5 metros á tarde e á noite.
