A noite do último sábado de agosto (este sábado 30), as rúas de Noia acollerán unha vez máis a Carreira Nocturna Pedestre Popular, que chega este ano a súa XXVII Edición. A carreira dará inicio o 30 de agosto ás 20:30h dende a Alameda (a carón da Casa do Concello) baixo o nome de Noia medieval e celebrarase, como xa é habitual, no recordo de Hipólito Rey “Polo”, pioneiro local do atletismo e co-impulsor desta histórica proba deportiva.
A inscrición está aberta ate o mércores ás 23:59h. As inscricións poden facerse na web Emestports. Haberá cinco categorías: chupete (250 metros), pitufo (350 metros), sub10 e sub 12 (1 quilómetro), sub14, sub16 e sub 18 (tres quilómetros), e sub20, sub23, sénior e máster (8 quilómetros). A entrega de premios, ao remate da carreira, levarase a cabo na Alameda de Noia.
