A nova edición da Feiriña de Outes, a VI Feira de Comercio Local de Outes, virá este mes de agosto con dous días de actividade: o sábado 16 e o domingo 17 de agosto na rúa da Capela. Será novamente unha cita co comercio de proximidade e cos produtos da nosa terra. Haberá produtos (principalmente) de gastronomía, produtos locais e artesanía, aínda que tamén cultura (libros), téxtil, maquinaria agrícola, coidados e saúde ou hostalería. O programa, ademais da actividade comercial e divulgativa dos postos, inclúe concertos, exposicións e animación infantil (inchábeis). Tamén haberá servizo de polbeira e hostalaría, ademais de foodtrucks, churrería e xeados. A axenda tamén abrangue obradoiros de artesanía e infantís.
A Feiriña vén da man do Concello de Outes e encádrase no seu obxectivo de dinamizar a economía local poñendo o foco no comercio de proximidade e coa intención de fomentar o produto local.
