Galicia continuará este domingo baixo unha situación intermedia entre altas e baixas presións, con achega de aire húmido atlántico e presenza de aire frío en altura.
Comarca e rías baixas: A mañá comezará con néboas costeiras, que irán levantando ao longo das primeiras horas. O resto do día alternarán ceos con nubes altas e claros, aínda que pola tarde podería formarse algunha nube de evolución en zonas de interior próximas ás serras, con risco baixo pero non descartable dalgún chuvasco illado. As temperaturas descenderán lixeiramente, cun ambiente máis fresco que nas xornadas anteriores.
Santiago e comarca: Néboas matinais en puntos do interior, que darán paso a ceos con intervalos de nubes altas. Durante a tarde poderá aparecer nubosidade de evolución, sobre todo en áreas montañosas próximas, con posibilidade dalgún chuvasco débil e ocasional. As temperaturas tamén sufrirán un pequeno descenso, con máximas máis suaves.
O noso mar: Vento do norte á mañá, do noroeste á tarde e do norte á noite, forza 1 a 3 á mañá e 3 a 4 á tarde e á noite. Mar ovellado á mañá e marusía á tarde e á noite. Visibilidade mala á mañá e regular á tarde e á noite. Mar de fondo do noroeste, con ondas de 0 a 1 metros.
