Este sábado ás 14:50 foi declarado un incendio forestal na parroquia do Freixo, entre Mosteiro e Vilariño, segundo confirmou o Concello de Outes, que deu aviso aos servizos de extinción incendios forestais da Xunta de Galicia e que engadiu que para sufocalo foron mobilizados un axente forestal, dúas cuadrillas e dúas motobombas, ademais de Policía Local de Outes. O lume resultou controlado axiña e foi extinguido ao pouco de ter sido detectado, confirmaron fontes do Consistorio, engadindo que “ante a situación de risco de incendios que estamos a vivir, pregamos a poboación que tomen todas as precaucións, e lembramos que ante calquera indicio de incendio forestal, está dispoñible o número de teléfono 085”.
