Este venres 8 de agosto comezan as Festas de San Salvador de Comoxo, en Boiro, logo das misas dos días 6 e 7, organizadas pola Asociación de Veciños de Comoxo en colaboración co Concello de Boiro.
O venres 8 haberá festa musical nocturna, a partir das 23.00 horas, con Mario DJ, Marcos Magán e DJ Goro.
O sábado 9 a festa arrincará con dianas e alboradas a cargo de Arume e proseguirá cunha misa solemne por San Salvador ás 12.00 horas. A sesión vermú virá da man do Trío Blanca Doble. Máis tarde haberá pinchos variados e pola noite verbena ás 22.30 horas con Trío Blanca Doble e Trío Arena.
O domingo 10 comezará coas dianas e alboradas de Os Xeitosiños e logo haberá unha misa solemne pola Virxe do Carme ás 13.00 horas. A sesión vermú virá da man de Open Drink. Haberá pinchos variados.
