A calor continuará sendo protagonista este mércores en toda Galicia, especialmente nas Rías Baixas e en Santiago, onde se prevén temperaturas máximas por riba dos 35ºC. A xornada estará marcada por ceos despexados, cun ambiente plenamente veraniego e risco elevado de golpes de calor.
A mañá será tranquila, con algúns intervalos de nubes baixas restrinxidos á Mariña, que desaparecerán co paso das horas. Xa pola tarde, non se descarta a entrada de brétemas costeiras polo oeste, que poderían suavizar lixeiramente o ambiente nas zonas máis achegadas ao mar.
No que respecta ao vento, será xeralmente frouxo do nordés, con réxime de brisas nas Rías Baixas, especialmente ao sur de Fisterra. No litoral norte, en cambio, agárdanse intervalos de vento moderado con refachos máis fortes en puntos como Bares.
O noso mar: Vento variable, forza 1 a 2 á mañá e á noite e 2 a 3 á tarde. Mar rizado á mañá e á noite e mar ovellado á tarde. Visibilidade boa á mañá e regular á tarde e á noite. Mar de fondo do noroeste á mañá e norte á tarde e á noite, con ondas de 0.5 a 1.5 metros.
