Continuamos este venres baixo a influencia das altas presións entrando en forma de cuña polo noroeste. Con esta situación, prevese unha xornada de ceos con intervalos de nubes e claros.
As temperaturas experimentarán un lixeiro ascenso, tanto nas máximas como nas mínimas, mantendo un ambiente agradable en boa parte do territorio. ( na comarca chegaremos ós 35 graos e en Santiago por riba dos 30)
Os ventos soprarán do nordés, con intensidade frouxa a moderada no interior, moderada na costa, e forte nos tramos entre Estaca de Bares e a Costa da Morte, onde se poderían rexistrar refachos significativos.
En resumo, Galicia vivirá unha xornada de transición, marcada pola estabilidade relativa no oeste e centro e máis inestabilidade nas zonas orientais, cunha clara presenza do vento do nordés como protagonista meteorolóxico do día.
O noso mar; Vento do nordés á mañá e do norte á tarde e á noite, forza 3 a 5 á mañá e á noite e 2 a 4 á tarde. Marusía. Visibilidade boa. Mar de fondo do norte, con ondas de 0.5 a 1.5 metros.
