A xornada do venres empeza agosto, día de San Alfonso, con estabilidade atmosférica nas Rías Baixas e na comarca de Santiago, que seguirán baixo a influencia das altas presións e ventos do nordés. A pesar da chegada dunha fronte moi débil polo norte, a metade sur galega manterá ceos maioritariamente despexados, con algunhas nubes altas que non impedirán o paso do sol.
En Santiago e no litoral das Rías Baixas o día será agradable, con tempo seco e bo para actividades ao aire libre.
As temperaturas mínimas apenas variarán, pero as máximas poderán descender lixeiramente, sobre todo na franxa costeira, debido á influencia do vento do nordés, que soprará moderado con refachos fortes.
A situación será estable e propia do verán, aínda que con ambiente algo máis fresco en comparación cos días anteriores, sobre todo nas horas centrais.
O noso mar: Vento do norte á mañá e do norte á tarde e á noite, forza 5 a 6 á mañá e 4 a 6 á tarde e á noite. Forte marusía. Visibilidade boa. Mar de fondo do noroeste, con ondas de 1.5 a 2 metros á mañá e á tarde e 0.5 a 1.5 metros á noite
