O implicado foi evacuado consciente ao Hospital Clínico de Santiago nun helicóptero medicalizado de Urxencias Sanitarias de Galicia-061.
Un particular explicou ao 112 Galicia que un traballador quedara inconsciente logo de que rebentara un dos pneumáticos dun elevador para embarcacións. Os feitos ocorreron contra as 16:30 horas no porto deportivo de Vilanova e, de inmediato, desde a sala de operacións do 112 Galicia activouse un operativo no que participou Urxencias Sanitarias de Galicia-061, Garda Civil, Policía Local e voluntarios de Protección Civil de Vilanova.
Logo de prestarlle atención médica no punto, os profesionais sanitarios evacuaron ao ferido a bordo do helicóptero medicalizado con base en Santiago.
