Agramuíña (Escarabote, Boiro) vai acoller este 27 de xullo un espectáculo infantil para a rapazada, a partir das 19.00 horas. Trátase da función Se non soño non son, unha proposta de Rudi Dudi para público infantil e familiar. Terá unha duración de aproximadamente unha hora e está escrita e dirixida por Rudi Dudi.
Sinopse
No seu terceiro espectáculo de clown unipersoal, Rudi Dudi dá un paseo, co público da man, por un arco da vella de emocións. Mimo, baile excéntrico, música, maxia e malabares son algúns dos ingredientes dun espectáculo divertido, sorprendente e moi interactivo, que nos amosa as diferentes cores que cada un levamos dentro.
