A semana que vén O Barbanza vai ser un fervedoiro de celebracións. Unha das máis destacadas serán as Festas de Queiruga, en Porto do Son, que comezan o 24 de xullo e esténdense ata o 26. Arrincarán o 24 cunha verbena a cargo da Orquestra Marbella e DJ Matrek e o día seguinte, adicado á Virxe dos Remedios, logo das alboradas do Grupo de Gaitas Os Salgueiriños, arrincará cunha misa solemne na honra da Virxe na igrexa de Santo Estevo de Queiruga.
Logo haberá unha sesión vermú co grupo Leite con Jalletas e pola tarde, a partir das 17.00 horas, haberá actividades para a rapazada con inchábeis e unha festa da escuma. Pola noite será o momento da verbena coa Orquetra New York. Contarase tamén cos picadiscos CDC con Kike Varela.
O sábado 26 virá cheo de actividades. Despois da alborada a cargo da Banda de Caamaño e Chorimas de Queiruga, haberá unha procesión (ás 12.30 horas) dende o Campo da Festa ata a o porto de Nadelas, e ás 13.00 celebrarase unha misa solemne na honra da Virxe do Carme no Santuario de Nadelas. Ás 14.00 horas haberá unha gran sardiñada no Campo da Festa con viño e pan de boroa de balde, e estará amenizada pola Charanga CLK. Pola tarde celebrarase unha nova edición do partido de solteiros contra casados en Goirís (ás 18h) e pola noite, a partir das 23.00 horas, actuarán Monoulious Dop, a Orquestra Funçao Pública e a Discoteca Chocolate con Manu GZ.
